শ্রীঃ

-শ্রীমতা মৃত্যুঞ্জয়চক্রবর্ত্তিনা

শ্রীঃ

কলিকাতাবিশ্ববিদ্যালয়স্য সংস্কৃতবিভাগস্য গোপীনাথকবিরাজপ্রাধ্যাপকচরাণাং ড. সীতানাথাচার্যশাস্ত্রিমহোদয়ানাম্ অক্টোবরমাসস্য অষ্টাবিংশতিতমে দিবসে গুরুবাসরে দিবং গতানাং ছাত্রাণাং তথা সর্বভারতীয়ব্রাহ্মণপরিষদীয়ানাং সম্মিলিতোদ্যোগেনাদ্য নভেম্বরমাসস্য অষ্টাবিংশেংহন্যাদিত্যবাসরে বিবেকানন্দ-সোসাইটি-হল্-ইত্যত্র সমায়োজিতায়াং স্মরণসভায়াং—-

।। শোকবিজ্ঞাপনম্।।
রবীন্দ্রপল্লিবাস্তব্যো বিপ্রো যো হি জনপ্রিয়ঃ।
অকালে প্রগতোংন্তর্ধাং মৃত্যুমেঘেন সংবৃতঃ।। 
সুতঃ স্বর্ণকুমার্য্যা হি জয়নারায়ণস্য চ। 
রাসন্-গ্রামস্য যো রামঃ প্রার্থনা-পরমেশ্বরঃ।।
দেবদ্বিজে পরাভক্তিরিষ্টাভীষ্টে মনঃ সদা। 
কৃতিঃ প্রাধ্যাপকো মান্যশ্চিরায় দিবি মোদতাম্।  
ব্রহ্মণ্যধর্মনিয়মানুগমোজ্জ্বলেন 
মার্গেণ জীবনগতিং সরলাং পবিত্রাম্।  
আশৈশবাৎ প্রতিপদং পরিচালয়ন্তং
সীতাপতিং বুধবরং মনসা স্মরামঃ।। 
আতিথ্যযোগ-সুষমা-চরম-প্রকাশং 
 সৌজন্যগাঙ্গঁসরিতঃ পরমোৎসপীঠম্।
কাব্যাদিশাস্ত্রবুধতানিকষাগ্রবিন্দুং 
 সীতাপতিং বুধবরং মনসা স্মরামঃ।। 
প্রস্হিতো কার্ত্তিকে মাসি সৌরে দশমবাসরে। 
সপ্তমীং তিথিমাসাদ্য কৃষ্ণে পক্ষে গুরোর্দিনে।।
সাশ্রু রুদন্তি শোকেন সর্বে তৎসঙ্গবঞ্চিতাঃ। 
সতীর্থা বান্ধবাশ্ছাত্রাঃ সজ্জনাঃ প্রতিবেশিনঃ।।
দেহো বিনষ্টো হি মহাশয়স্য বৈ 
স্মৃতিস্তদীয়া তু চিরায় প্রোজ্জ্বলা।
স্হিতা জগত্যাং পরিপূর্ণভাবতঃ
সংপ্রেরয়ন্তীহ মনো মনস্বিনাম্।।